Sagardotegi

Sagardotegia sagardoa egiten eta kontsumitzen den tokia da.

Euskal Herrian, Hernani-Astigarraga inguruan (Gipuzkoa) daude gehienak, baina honek ez du esan nahi beste tokietan sagardotegirik ez dagoenik. Ofizialki, sagardotegietako denboraldia urtarrilaren 19an hasten da. Egun, sagardotegi handiek antzinako xarma galdu dute eta jatetxe moduko zerbait bilakatu dira. Sagardotegiko berezko giroaz gozatzeko onena sagardotegi txikiren batera joatea da.

Asturiasen, sagardoa ekoizten den tokia "llagar" izena hartzen du. Bertan, tradizionalki "espicha" izeneko festetan bakarrik kontsumitzen da.

Sagardotegiak udalerriaren arabera

Euskal Herriko sagardotegi gehienak Gipuzkoan kokatzen dira, bereziki Donostialdea eskualdeko Astigarraga, Hernani, Urnieta eta Usurbil udalerrietan, halere gainontzeko herrialdeetan ere topa ditzazkegu. Gaur egun usadiozko sagardotegi-dolareak honako udalerri hauetan daude (sagardotegi bat baino gehiago dituzten udalerriak hizki lodiz nabarmenduak daude)^[1]:

Araba: Araia, Amurrio, Aramaio eta Gasteiz.
Bizkaia: Ajangiz, Berriatua, Bilbo, Dima, Durango, Elorrio, Fika, Galdakao, Gatika, Gernika, Gizaburuaga, Iurreta, Lezama, Markina-Xemein, Maruri-Jatabe, Mendexa, Mungia, Muxika, Sopuerta, Urduliz eta Zornotza.
Gipuzkoa: Abaltzisketa, Aduna, Aia, Altzaga, Amezketa, Andoain, Asteasu, Astigarraga, Ataun, Azpeitia, Beasain, Donostia, Errenteria, Gabiria, Gaintza, Hernani, Hondarribia, Ikaztegieta, Irun, Irura, Itziar (Deba), Lasarte-Oria, Lazkao, Leaburu, Legorreta, Oiartzun, Olaberria, Ordizia, Tolosa, Urnieta, Usurbil, Zerain, Zizurkil eta Zubieta.
Lapurdi: Biriatu eta Urruña.
Nafarroa Behera: Lasa.
Nafarroa Garaia: Aldatz, Barañain, Beruete, Burlata, Erriberri, Gares, Iruñea, Lekunberri, Lesaka, Lekarotz, Murugarren, Otsagi, Tafalla eta Zizur Txikia.

Astigarraga (20 sagardotegi baino gehiago), Hernani (10 baino gehiago), Urnieta (5 baino gehiago), Oiartzun (5) eta Usurbil (5) udalerriak sagardotegi kontzentrazio handiena dutenak dira.