Kuku-belar

Kuku-belar
Irudi gehiago
Sailkapen zientifikoa
Erreinua	Plantae
Ordena	Ranunculales
Familia	Ranunculaceae
Generoa	Aquilegia
Espeziea	Aquilegia vulgaris L.

Kuku-belarra (Aquilegia vulgaris) Aquilegia generoko espezie bat da, Ranunculaceae familiakoa, jatorriz Europako eta Asiako zona epeletakoa.

Ezaugarriak

Landare belarkara da, bizikorra eta adarkatua, 35-150 cm ingurukoa. Zurtoin eta hostoek ia ez dute ilerik edo gutxi izaten dituzte. Hostoak berde ilunak dira, behealdekoak handiak eta txortendunak, goialdekoak hirugingildunak. Lore-zurtoina zuzena da, 3-6 cm ingurukoa, eta bertan hainbat lore handi sortzen dira taldekatuta. Loreak urdin bioleta izaten dira, inoizka zuriak, eta 5 ezproi gakodun, petalo-itxurako sepaloak eta estaminodio kamutsak dituzte.

• Ugaltze organoak:
  • Infloreszentzia-mota. Zima uniparo helikoidea
  • Sexu-banaketa: hermafrodita
  • Polinizazio-mota: entomogamoa
  • Loraldia: maiatzetik uztailera
• Hazia:
  • Fruitu mota: folikulua
  • Barreiatze-mota: epizookoroa
• Banatze-area: eurasiatikoa. Toki heze eta freskoetan sortzen dira, baso, belardi, erreka-ertz nahiz areketan, 0-1300 m tartean.

Erabilpena

Antzina sendabelar gisa erabili zen: eskorbutoaren kontra, janguraren estimulatzaile, diuretiko, sudorifiko; baina, egun erabiltze mugatua du, pozoitsu egiten duen azido zianhidrikoa duelako.

Wikimedia Commonsen badira fitxategi gehiago, gai hau dutenak: Aquilegia vulgaris

Argazkiak

• 
• 
• 
• 
• 
• 
• 
• 
• 
• 
• 
• 
  Aquilegia vulgaris
  var. alba

Kanpo estekak

Wikispezieetan bada informazioa gehiago, gai hau dela eta: Kuku-belar

• Datuak: Q148929
• Multimedia: Aquilegia vulgaris / Q148929
• Espezieak: Aquilegia vulgaris