Joanes Enrikez Lakarrakoa

Joanes Enrikez Lakarrakoa
Bizitza
Heriotza	1321eko irailaren 19a (egutegi gregorianoa)
Familia
Aita	Henrike I.a Nafarroakoa
Seme-alabak	ikusi Martin Enrikez Lakarrakoa
Anai-arrebak	ikusi Tibalt Nafarroakoa Joana I.a Nafarroakoa
Jarduerak

Joanes Enrikez (1266 inguruan – 1321eko irailaren 19a) Nafarroako Erresumako infantea eta Lakarrako jauna izan zen.

Aita Henrike I.a Nafarroakoa zuen eta ama berriz ezezaguna. Oihenarten arabera ama zen andereño noble bat. Henrike printzea, oraindik ez zen errege, maitemindu zen bainan andereñoak ez zuen amore eman nahi. Henrikek orduan proposatu zion ezkontzea. Laister haurdun egon zen bainan Tibalt erregeak, haserretuta bere anaiaren ezkontza proiektuarekin, harreman hori mozteko agindu zuen.

Harreman hortatik jaio zen Joanes Enrikez^[1].

Batzutan ama Munia Lehetekoa izenarekin agertzen da^[2], Antso Lehetekoa eta Luzia Almoraviten alaba^[3].

Urte gutxi berantago Henrike errege izan zen (1270ean) eta seguraski arduratu zen haurraren etorkizunaz.

Geroxeago bere arreba Joana erregina izan zen (1274ean).

Denborarekin Joanes Enrikezek lortu zuen kokatzen bere burua Erresumeko nobleziaren artean.

Ezkondu zen Lakarrako anderearekin eta Handikien artean onartua izan zen Filipe II.a Nafarroakoaren eskutik. Borrokan hil zen Beotibarko guduan^[1].

Ezkontza eta haurrak

1316 inguruan^[4], Filipe II.aren garaian, Joanes Enrikez ezkontza bitartez bihurtu zen Lakarrako jauna, emaztea leku honen oinordekoa baitzen.

Bi haur izan zuten:

• Martin (1316?-1368), Lakarrako jauna eta Nafarroako Erresumako banderazaina
• Joana, Bettan Latsagakoa jaunarekin ezkondua

Erreferentziak

Kanpo estekak

• Datuak: Q19947980