Jacques Lipchitz

Jacques Lipchitz
(1916) Irudi gehiago
Bizitza
Jaiotza	Druskininkai (en) , 1891ko abuztuaren 22a
Herrialdea	Errusiar Inperioa  Frantzia  Ameriketako Estatu Batuak
Heriotza	Capri, 1973ko maiatzaren 26a (81 urte)
Hobiratze lekua	Har HaMenuchot (en)
Hezkuntza
Heziketa	Q29897367 1909) Arte Ederren Goi Eskola Nazionala Académie Julian (en)
Hizkuntzak	ingelesa frantsesa errusiera lituaniera italiera
Ikaslea(k)	ikusi Boris Taslitzky (en)
Jarduerak
Jarduerak	eskultorea, margolaria, ilustratzailea, marrazkilaria eta artista bisuala
Parte-hartzailea Documenta III (en) Jewelry by Contemporary Painters and Sculptors (en)
Lan nabarmenak	ikusi John F. Kennedy Memorial (en)
Kidetza	Arteen eta Zientzien Ameriketako Estatu Batuetako Akademia Ameriketako Estatu Batuetako Arte eta Letren Akademia
Mugimendua	arte abstraktua
Genero artistikoa	arte abstraktua

Jacques Lipchitz (Druskininkai, Lituania, 1891ko abuztuaren 22a - Capri, Italia, 1973ko maiatzaren 16a) eskultorea izan zen. Kubismoaren jarraitzailea izan zen, eta eskultura ez-figuratiboaren aitzindaria izan zen.

Bizitza

Vilniusko hirian ingeniaritzako ikasketak egin eta 1909an Parisa jo zuen. 1912-1913 urteetan Errusiako Inperioko armadan aritu ondoren, Parisa itzuli, eta artista kubistekin batera hasi zen, molde kubistako eskulturak egiten: Marin à la guitarre (1914, Marinela gitarrarekin). Giza irudiak zilindro edo prisma itxurako bolumen bihurtu zituen, eta erliebe polikromo abstraktuak erabili zituen: Tête en pierre (1915, Harrizko burua), Nature Morte (1918).

1925etik aurrera, malgutasun handiagoz hornitu zituen bere obrak, eta espiral forma luzeek utzitako hutsuneek dinamismoa eman zieten eskulturei. Oso libre landu zuen giza irudia eta lirismo handiko obrak lortu zituen: Le Couple (1928-1929, Bikotea), Le Chant des voyelles (1931-1933, Bokalen kantua). Bibliako eta mitologia klasikoko gaiez eskultura-multzo korapilatsuak osatu zituen: Prométhée et le Vautour (1937, Prometeo eta saia).

1941etik aurrera Estatu Batuetan bizi izan zen, eta espresionismorako joera nabarmeneko obra handiak eskaini zituen: Prayer (1943, Errezua) eta Prometheus Strangling the Vulture II (1944-1953, Prometeo saiari lepoa bihurritzen II). Lipchitzen espresiorako suharra bereziki nabarmendu zen bere trasparents (gardenak) izeneko obretan (buztinez eginak, eta, ondoren, brontzez estaliak).

Erreferentziak

Wikimedia Commonsen badira fitxategi gehiago, gai hau dutenak: Jacques Lipchitz

• Datuak: Q380426
• Multimedia: Jacques Lipchitz / Q380426