Discos Suicidas

Discos Suicidas
Sortze urtea	1981
Egoera	Aktiboa
Generoa(k)	punk, rock
Jatorrizko herrialdea	EH
Kokapena	Bizkaia
Webgune ofiziala	www.discossuicidas.com

Discos Suicidas Bizkaiko diskoetxe independentea da, 1981ean sortua^[1].

Musika taldeak

Espainia eta Euskal Herriko punk eta rock talde askoen lanak argitaratu ditu, baita Hego Amerika edo Estatu Batuetakoak ere. Hona hemen nagusiak^[2]:

Reincidentes
Doctor Deseo
El Último Ke Zierre
Eskorbuto
Piperrak
Parabellum
Distorsión
Zarama
Don Cikuta
BBS Paranoicos
Vómito

Historia

Discos Suicidas diskoetxea 1981. urtean sortu zuen Oscar Amezagak, Bilbon. Lavabos Iturriaga taldeko abeslaria zen Amezaga, eta lehenago Muskaria musika aldizkaria sortu zuen, Roge Blasco eta Pedro Mari Azkorretarekin. Hilargi Records aldiz, mota guztietako estiloekin lan egiten duen diskoetxea da. Azpizigilu historikoa hartzen du bere baitan: Discos Suicidas, Estatuko lehen konpainia independentea, punk rock arloan espezialdutakoa eta 23 urtetik gorako ibilbidea duena. Honen ondorioz, batzuetan "Discos Suicidas-Hilargi Records" izenaz ere aurkezten da diskoetxe hau.

Gehienbat gaztelaniaz abesten duten punk eta rock taldeekin osatu du katalogoa, Euskal Herrikoak zein kanpokoak (Eskorbuto, MCD, Guerrilla Urbana, El último ke zierre, Reincidentes...). Salbuespen bakarrak, Joseba Gotzon, Lauburu, Kalapo, Noizbait eta Suaz Blairen lanak izan dira. 1986. urtean ¡Condenados a luchar!-Borockari loturik! euskal punk taldeen disko bilduma argitaratu zuen, Bap!!, Danba, Ultimatum, M.C.D., Porkeria T eta Zer Bizio? taldeekin.

Azken urteetan atzerriko merkatuetan jarri du arreta, batez ere Latinoamerikan. Horrela, 1995ean Ura Records sortu zuen Mexikon, eta 2000. urtean Eki Records Argentinan.

Zaramaren lehendabiziko singlea, «Nahiko», argitaratzeko sortu zuen Amezagak "Discos Suicidas", izena (gaztelaniazko Suicidas buru-hiltzaileak esan nahi du) euskaraz abesten zuen talde punk baten lehendabiziko albuma argitaratzean egiten zuten merkataritzako buru-hilketatik hartu zuten^[3].

Erreferentziak

↑ Mondo Sonoro: Discos Suicidas
↑ Ekoiztutako taldeen zerrenda^{[Betiko hautsitako esteka]}
↑ Iker Treviñoren "Salda Badago. Los inicios del rock en Euskadi" 2002ko dokumentala.

Edukiaren zati bat [{{{web}}} «Discos Suicidas»] artikulutik hartua da. Artikulu hark {{{egilea}}} du egile, eta Creative Commons Aitortu-Partekatu Berdin 3.0 lizentziarekin argitaratu da Badok euskal kantagintzaren atarian.