Camelopardalis

Camelopardalis 
Irudi gehiago
Datuak
LaburduraCam
GenitiboaCamelopardalis
Eremua756,8 gradu karratu gradu karratu (18. maila)
Izar kantitatea
(magnitudea < 3)		152
Izarrik distiratsuenaBeta Camelopardalis (itxurazko magnitudea 4,03)
Meteoro euriaUrriko Camelopardalidak
Konstelazio mugakideakDraco (konstelazioa), Hartz Txikia, Cepheus, Cassiopeia, Perseus (konstelazioa), Auriga, Lynx (konstelazioa) eta Hartz Handia
Behaketa
Igoera zuzena3 h 15,60 m eta 14 h 27,13 m artean h
Deklinazioa52,67° eta 86,10° artean°
Ikuspen onena 21:00etan (9 PM): Otsaila
+90° eta −10° latitude bitartean ikusgai.
IC 342 galaxia kiribila.

Camelopardalis edo Jirafa[1][oh 1] —latinez: Camelopardalis— ipar hemisferioko konstelazio bat da, oso izar ahulek edo distira gutxi dutenek osatzen dute, izar hauetatik magnitude handiena duenak, β Camelopardalisek, 4, 03ko magnitudea baitu. Auriga eta bi hartzen konstelazioaren artean aurki daiteke. Camelopardalis izena ''gamelu-leopardo''tik dator, greziarrek izen hau jarri baitzieten jirafei, beraien ustetan gameluaren burua eta leopardoaren orbanak zituztelako.

Petrus Planciusek ezarri zuen konstelazio bezala[2] eta Jakob Bartschek argitaratu zuen lehen aldiz, 1624. urtean atera zuen liburu baten bidez[3].

Izar nagusiak

  • α Camelopardalis, guregandik urruti dagoen supererraldoi urdin honek 4,26ko magnitudea du eta NGC 1502 kumuluarekin loturaren bat eduki lezake.
  • β Camelopardalis, 4,03 magnitudea duen supererraldoi horia, konstelazioko izarrik distiratsuena da.
  • γ Camelopardalis, 4,62ko magnitudea duen azpierraldoi zuria.
  • 7 Camelopardalis, lau izarrez osaturik dagoen izar-sistema, bertako izar nagusiak 4,45eko magnitudea du.
  • 11 Camelopardalis (BV Camelopardalis), Be izarra da eta Gamma Cassiopeiaeren antzekoa, bere bataz besteko magnitudea 5,03koa da.
  • 16 Camelopardalis, sekuentzia nagusiko izar zuria, 5,25eko magnitudea du.
  • 37 Camelopardalis, 5,36ko magnitudea duen erraldoi horia, metaletan eskasa da.
  • 53 Camelopardalis (AX Camelopardalis), 6,02ko magnitudea du eta bere osaera kimikoa arraroa da.
  • 23 H. Camelopardalis (HD 46588), 5,45eko magnitudea duen nano horia, segurasko beste izar ahul bat du bere inguruan orbitatzen.
  • Y Camelopardalis, Delta Scuti izarraren antzekoa den izar bitar itzaltzailea da. 10,5eko magnitudea du.

Espazio sakoneko objektuak

  • NGC 1569. IZ: 04h 30m 49.2s Dek: +64°50'53" (2000 garaia). Hurbil dugun galaxia irregular honetan hainbat izar berri ari dira sortzen.
  • NGC 2403. IZ: 07h 36m 54.0s Dek: +65°36'00" (2000 garaia). Talde Lokalean ez dagoen galaxia kiribil hurbilenetako bat da.
  • IC 342. IZ: 03 h 46 m 48,5 s Dek: +8 ° 05 '46 " (2000 garaia). 7 milioi argi-urtera kokaturik dagoen galaxia bat da, ekuatore galaktikotik hurbil kokatzen denez, bertako hauts ilunak behatzeko objektu zail bilakatzen du.
  • NGC 1502. IZ: 04h 07m 42.0s Dek: +62°20'00" (2000 garaia). α Camelopardalis eta β Camelopardalisen artean dagoen kumulu irekia.
  • NGC 2523. IZ: 07h 36m 54.0s Dek: +65°36'00" (2000 garaia) 13ko magnitudea duen galaxia kiribil ahula.
  • Kembleko ur-jauzia. zortzigarren magnitudeko izar-kumulua.
  • NGC 1501. IZ: 04h 07m 00.0s Dek: +60°55'00" (2000 garaia). Disko irregularra duen nebulosa planetarioa.
  • IC 3568, 10,6ko magnitudea duen nebulosa planetarioa, forma esferiko ia perfektua du.

Ikus, gainera

Oharrak

  1. ↑ Euskaltzaindiaren 173. arauak honako hau gomendatzen du: "Euskaraz, konstelazioen izenak adierazteko, komeni da nazioarteko formak —latinezko grafia— erabiltzea, hainbat komeniago testuak zenbat eta teknikoago edo jasoago izan. Nolanahi ere, latinezko izenen itzulpenak edo egokitzapenak ere —azalpen-izenak— erabil daitezke, bigarren mailan, testu didaktikoetan edo azalpen gisa".

Erreferentziak

  1. ↑ «Konstelazioak (88 konstelazio ofizialak)» 173. Astroen izenak. Euskaltzaindia, 18 or..
  2. ↑ (Ingelesez) Privett, Grant; Jones, Kevin. (2013). The Constellation Observing Atlas. Springer New York, 30 or. ISBN 9781461476481..
  3. ↑ (Ingelesez) Thompson, Robert; Thompson, Barbara. (2007). Illustrated Guide to Astronomical Wonders: From Novice to Master Observer. O'Reilly Media, 108 or. ISBN 9780596526856..

Kanpo estekak

  • Wikimedia Commonsen badaude Camelopardalis kosntelazioari buruzko zenbait multimedia fitxategi.
  • Camelopardalisi buruzko informazio gehiago. (Ingelesez)
Autoritate kontrola
  • Wikimedia proiektuak
  • Wd Datuak: Q8832
  • Commonscat Multimedia: Camelopardalis (constellation) / Q8832
  • Identifikadoreak
  • GND: 4305279-4
  • Hiztegiak eta entziklopediak
  • Britannica: url
  • Wd Datuak: Q8832
  • Commonscat Multimedia: Camelopardalis (constellation) / Q8832


88 konstelazioen izenak

Andromeda • Antlia • Apus • Aquarius • Aquila • Ara • Aries • Auriga • Boötes • Caelum • Camelopardis • Cancer • Canes Venatici • Canis Major • Canis Minor • Capricornus • Carina • Cassiopeia • Centaurus • Cepheus • Cetus • Chamaeleon • Circinus • Columba • Coma Berenices • Corona Australis • Corona Borealis • Corvus • Crater • Crux • Cygnus • Delphinus • Dorado • Draco • Equuleus • Eridanus • Fornax • Gemini • Grus • Hercules • Horologium • Hydra • Hydrus • Indus • Lacerta • Leo • Leo Minor • Lepus • Libra • Lupus • Lynx • Lira • Mensa • Microscopium • Monoceros • Musca • Norma • Octans • Ophiuchus • Orion • Pavo • Pegasus • Perseus • Phoenix • Pictor • Pisces • Pisces Austrinus • Puppis • Pyxis • Reticulum • Sagitta • Sagittarius • Scorpius • Sculptor • Scutum • Serpens • Sextans • Taurus • Telescopium • Triangulum • Triangulum Australe • Tucana • Ursa Major • Ursa Minor • Vela • Virgo • Volans • Vulpecula