Antonio Iturriotz

Artikulu hau idazleari buruzkoa da; alkatea gaitzat duena beste hau da: «Jose Antonio Iturriotz»

Antonio Iturriotz
Bizitza
Jaiotzako izen-deiturak	Antonio Iturrioz Urizar
Jaiotza	Eibar, 1900eko martxoaren 12a
Herrialdea	Gipuzkoa, Euskal Herria
Heriotza	Mexiko Hiria, 1983ko irailaren 20a (83 urte)
Hezkuntza
Hizkuntzak	euskara gaztelania
Jarduerak
Jarduerak	idazlea

Antonio Iturriotz Urizar (Eibar, 1900eko martxoaren 12a - Mexiko, 1983ko irailaren 20a)^[1] gipuzkoar idazlea izan zen.

Eibarko Armeria Eskolan eta Moskuko Unibertsitatean (Politika Zientzia) ikasi zuen.

UGTko eta PSOEko kidea izanik, Gerra zibila amaitzean erbestera ihes egin behar izan zuen, Frantziara lehenbizi, hortik 1940ean Dominikar Errepublikara eta azkenik 1942an Mexikora.

Artikulu ugari idatzi zituen erbesteko euskal agerkarietan batez ere: Euzko Gogoa, Eibar, Egan, Euzko Deya (Mexikokoa) eta Tierra Vasca-n (Buenos Aires). Pío Barojaren Zalacain el Aventurero eta La leyenda de Jaun de Alzate eleberriak itzuli zituen euskarara.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.